Vern

8部古惑仔咁样就算睇完了，入便啲广东话先系最底层嘅嘢，我细佬睇完之后日日喺度闹人：你都烚戆嘅! 你咬我食呀! 我食硬你呀! 我识你老鼠!你唔系流马尿下话?睇下你有咩把炮！识!!!识你条毛！你唔好叽叽凸凸下啊！你唔好话喔，几正喔，都无一个字系粗口嘅。 其实我认真觉得，睇下啲打打杀杀，情节设计麻麻啲嘅港片都几好啊，几轻松，唔使谂嘢，啲女又够靓，啲仔又够型，你唔觉得烦就当听下人哋倾计咯，好过听依佳啲相声啊，两个人叽叽凸凸，费尽心机，都无人笑。对比之下，我哋大陆啲电影我真系唔想点讲啦，乜人文关怀乜颓废忧郁乜生存体验，你话玩就玩得嘅咩，烦过梵蒂冈啊真系。 唔知系唔系偏见呢，始终觉得郑伊健嘅表演最多就麻麻啲了喔，八部片，咁多明星，主角或者客串，除左何润东，系个人啲演技都好过佢，大到陈小春，黎姿，吴镇宇，任达华，万梓良，梁咏琪，舒淇，莫文蔚，细到陈豪，林晓峰，柯受良，张耀扬，演得都几好嘅，郑伊健呢，同谢霆锋，余文乐，陈冠希一样，有串型无演技，净系摆得出来够型够串，其他乜都唔得啦。 导演刘伟强由一拍到六嘅时候，已经有无间道嘅雏形嘅啦，譬如话人死之后放纯音乐代替唱歌，出来行嘅人有感情但系又唔表现得出来，表现出来嘅时候人哋又唔喺度了，最后一场戏，何润东同郑伊健企喺车顶对峙，何抽枪指住郑昵场戏有无觉得眼熟呢。 最后，有一个问题，点解无间道净系可以喺香港摞下金像奖，无间行者已经排到IMDB嘅第80位呢？我系谂唔到，留翻刘伟强慢慢谂。 一个为你甘去蹈火海的人──梁咏琪。 [audio:http://210.46.96.22/jpresource/mp3/%D0%C2%B8%E8/%D2%BB%B8%F6%CE%AA%C4%E3%B8%CA%C8%A5%B5%B8%BB%F0%BA%A3%B5%C4%C8%CB.mp3]